بالی وڈ کے سینئیر اداکار سنیل شیٹی نے کہا ہے کہ کے ایل راہول میرا پسندیدہ کرکٹر نہیں ہے۔
اپنے ایک حالیہ انٹرویو میں بالی وڈ کے اداکار سنیل شیٹی نے اپنے پسندیدہ کرکٹر سے متعلق انکشاف کیا اور کہا کہ میرا فیوریٹ کرکٹر عہد حاضر کے شہرت یافتہ بھارتی بیٹر ویرات کوہلی ہیں۔
سنیل شیٹی کا کہنا تھا کہ کے ایل راہول میرا بیٹا ہے لیکن میرا پسندیدہ کرکٹر نہیں ہے اور جب خاندان کا معاملہ ہو تو آپ اس پر کوئی گفتگو یا رائے نہیں دے سکتے۔
سنیل شیٹی نے اپنے داماد کے ایل راہول کے ساتھ تصاویر شیئر کردیں
تاہم جب ان سے سوال کیا گیا کہ تو پھر آہان شیٹی کیا ہیں؟ تو انہوں نے جواب دیا کہ وہ خاندان ہے، لیکن وہ ایک کرکٹر نہیں، وہ اداکار ہے۔
اس موقع پر سنیل شیٹی کا کہنا تھا کہ ویرات کوہلی تعاقب کرنے کے ماسٹر ہیں اور اسی لیے وہ میرے پسندیدہ کرکٹر ہیں۔
یاد رہے کہ اس سے قبل دیے گئے ایک انٹرویو میں سنیل شیٹی نے اپنے داماد کے ایل راہول کے بارے میں کہا تھا کہ میں ان کی مہارت کا پرستار ہوں۔
