کراچی: شہر قائد کے علاقے کیماڑی، جیکسن میں کچرا کنڈی سے آنسو گیس شیل ملے تھے، پولیس حکام نے اس سلسلے میں کہا ہے کہ یہ شیل 30 سال پرانے ہیں۔
پولیس حکام نے کراچی کے علاقے جیکسن میں کچرا کنڈی سے ملنے والے آنسو گیس شیل کے بارے میں بیان دیتے ہوئے انھیں تیس سال پرانا قرار دے دیا ہے، پولیس حکام کا کہنا ہے کہ شیل پر ایکسپائری ڈیٹ 1994 واضح طور پر درج ہے۔
پولیس حکام کے مطابق آنسو گیس کے تمام شیل ناکارہ ہو چکے ہیں، کچرا کنڈی میں آگ لگنے کے باعث یہ شیل بھی جل گئے تھے، اگر شیل سے گیس لیکیج بھی ہوئی ہو تو وہ خطرناک نہیں تھی۔
- Advertisement -
ایس ایس پی عار ف راؤ کے مطابق گزشتہ روز علاقہ مکینوں کو اس وقت شک ہوا جب کچرا کنڈی میں آگ لگنے کے بعد گیس پھیلنے لگی، جس پر پولیس کو اطلاع دی گئی، کچرا کنڈی سے ملنے والے شیل کی تعداد 40 سے زائد تھی۔
