بھارت کے شہر حیدرآباد میں موجود او یو لاج میں نابالغ لڑکی کو جنسی زیادتی کا نشانہ بنادیا گیا، گولکنڈہ پولیس کا اس حوالے سے کہنا ہے کہ 15 سالہ لڑکی 13 نومبر کو گھر سے نکلی تھی اس کے بعد سے واپس نہیں لوٹی۔
غیر ملکی ذرائع ابلاغ کا اس حوالے سے کہنا ہے کہ ایک نوجوان متاثرہ لڑکی کو گھر کے قریب چھوڑ کر چلا گیا، پوچھ گچھ پر معلوم ہوا کہ لڑکی کے ساتھ جنسی زیادتی ہوئی ہے۔
افسوسناک واقعے کی پولیس کو شکایت کی گئی، پولیس نے فوری کارروائی کرتے ہوئے مرکزی ملزم عبدالندیم کو گرفتار کر لیا جبکہ اس کے سہولت کار کو بھی حراست میں لے لیا ہے۔
ساتھ ہی پولیس نے نابالغ لڑکی کے ساتھ نوجوان کو کمرہ دینے والے او یو لاج کے مینجر جان سنگھ اور وہاں کے مالک وجے کو بھی حراست میں لے لیا ہے۔
دوسری جانب بھارت میں دن دیہاڑے لڑکی کو عوامی مقام پر موٹرسائیکل پر اغوا کر لیا گیا۔ بھارتی میڈیا کے مطابق واقعہ ریاست مدھیا پردیش کے شہر گوالیار میں پیش آیا جس کی ویڈیو سامنے آگئی ہے۔
ویڈیو میں لڑکی کو نامعلوم افراد پیٹرول پمپ سے اغوا کرتے ہوئے دیکھے جاسکتے ہیں۔ ملزمان نے یہ واردات چند سیکنڈ کے دوران کی ہے۔
On Camera: Woman kidnapped in broad daylight on a motorcycle in Gwalior, Madhya Pradesh.#MadhyaPradesh #Gwalior #Crime pic.twitter.com/KxBRjIQku4
— TIMES NOW (@TimesNow) November 20, 2023
لڑکی جیسے ہی بس سے اتر کر پمپ پر اپنے بھائی کا انتظار کرنے کے لیے رُکی تو بیخوف ملزمان لوگوں کی موجودگی میں لڑکی کو اٹھاکر لے گئے۔
ویڈیو میں دیکھا جاسکتا ہے کہ چہرے پر کپڑا باندھے ایک شخص لڑکی کو زبردستی بائیک پر بٹھانے کی کوشش کررہا ہے جب کہ وہاں لوگو موجود ہیں جو یہ سارا منظر دیکھ کر خاموش تماشائی بنے ہوئے ہیں۔
ویڈیو سامنے آنے کے بعد پولیس نے اہل خانہ کی شکایت پر مقدمہ درج کرکے لڑکی کی تلاش شروع کر دی ہے۔