اسلام آباد: مولانا فضل الرحمان سے پی ٹی آئی کے اعلیٰ سطح وفد نے ملاقات کی اور ان کے پیچھے نماز بھی پڑھی۔
جے یو آئی (ف) کے سربراہ مولانا فضل الرحمان سے پاکستان تحریک انصاف کے اعلیٰ سطحی وفد نے اہم ملاقات کی ہے جس میں سابق اسپیکر اسد قیصر،علی محمد خان، بیرسٹرسیف اور جنید اکبر جیسے رہنما شامل ہیں۔
تحریک انصاف کے وفد کی جانب سے مولانا فضل الرحمان سے ان کی خوشدامن کے انتقال پر اظہارِ تعزیت کیا گیا۔
- Advertisement -
ذرائع کے مطابق اس دوران نماز کا وقت ہونے پر پی ٹی آئی کے وفد میں شامل ارکان نے فضل الرحمان کے پیچھے نماز ادا کی۔
ملاقات میں ملک کی موجودہ سیاسی صورتحال پر بھی بات چیت کی گئی ہے اور دنوں جانب سے اپنے خیالات کا اظہار کیا گیا۔
