کراچی کے علاقے کورنگی پی ایم ٹی کالونی میں کارخانے کی چھت گر گئی ملبے سے 14 افراد زخمی حالت نکال کر اسپتال منتقل کر دیا گیا ہے۔
اے آر وائی نیوز کے مطابق کورنگی پی ایم ٹی کالونی میں بیکری مصنوعات بنانے والے دو منزلہ کارخانے کی بالائی چھت گر گئی جس کے باعث عمارت میں موجود تمام افراد ملبے تلے دب گئے اور زخمیوں کی چیخ وپکار مچ گئی۔
حادثے کی اطلاع ملتے ہی پولیس اور ریسکیو ادارے جائے حادثہ پر پہنچے اور ابتدائی اطلاعات تک 14 افراد کو ملبے سے زخمی حالت میں نکال کر جناح اسپتال منتقل کر دیا گیا ہے۔
- Advertisement -
بتایا جاتا ہے کہ بیکری میں عملے کی تعداد زیادہ ہوتی ہے تاہم جمعہ اور ہفتہ کو محرم الحرام اور اتوار کو ہفتہ وار تعطیل کے باعث آج عملہ معمول کی تعداد سے بہت کم تھا۔
