حالات کوئی بھی ہوں اگر کوئی دلچسپ ویڈیو نظر سے گزرے تو بندہ اداسی میں بھی مسکرا دیتا ہے پھر وہ سوشل میڈیا پر وائرل ہوکر میمز بن جاتی ہیں۔
میمز انگریزی کی اصطلاح ہے جو سوشل میڈیا پر ہی استعمال کی جاتی ہے، یہ ایک مخصوص خیال، طرز عمل یا انداز کی بنا پر نقل کے ذریعے پھیلتا ہے جو کسی خاص رجحان کی نمائندگی کرتا ہے۔
یہ تحریر، اشاروں یا نقلی تھیم کے ذریعے بھی ہوسکتا ہے، کسی بھی تصویر یا ویڈیو (چاہے وہ سیاسی کیوں نہ ہو) کے اصل سیاق و سباق کا فوری اثر ابھارنے والا فقرہ لکھ کر سوشل میڈیا پر ڈال دیا جائے تو اسے مِیم کہتے ہیں۔
’موئے موئے‘ سے لے کر ’لوکِنگ لائک آ واؤ‘ تک عوام نے میمز کا سہارا لیتے ہوئے تنقید اور مزاح سے بھرپور تصاویر اور ویڈیوز وائرل کیں۔
’موئے موئے‘
سال 2023 کے دوران سب سے زیادہ ٹرینڈنگ اور وائرل ہونے والی میم ’موئے موئے‘ تھی، دراصل وائرل ٹرینڈ سربیا کی دھن تھی جس نے سوشل میڈیا پر ایک طوفان برپا کررکھا تھا۔
وائرل میم آغاز ٹک ٹاک سے ہوا تھا، دلچسپ بات یہ ہے کہ ’موئے موئے‘ گانے کا اصل تلفظ نہیں ہے بلکہ یہ ’موئے مور‘ ہے، تاہم جملے کی تکرار نے بہت سے لوگوں کی توجہ اپنی طرف مبذول کرائی ہے۔
یہ گانا 8 ماہ قبل جاری ہوا تھا، جسے اب تک 6 کروڑ 30 لاکھ لوگ دیکھ چکے ہیں۔
’جسٹ لوکنگ لائک آ واؤ‘
حال ہی میں ایک بھارتی خاتون کی ویڈیو وائرل ہوئی تھی جہاں وہ ایک کپڑے کی دکان میں کھڑی ہیں۔
ویڈیو میں خاتون کپڑوں کی تعریف کرتے ہوئے کہہ رہی ہیں کہ ’سو بیوٹی فل، سو ایلی گینٹ، جسٹ لوکنگ لائک آ واؤ۔
یہ ویڈیو دیکھتے ہی دیکھتے بھارت سمیت پاکستان میں بھی کافی وائرل ہوئی، بھارتی یوٹیوبر و موسیقار یش راج مکھاٹے سمیت بولی اسٹار اروشی روٹیلا اور دپیکا پڈوکون بھی ٹرینڈ میں شامل ہوئیں۔
لپو سا سچن
پاکستان کی سیما حیدر خبروں میں موضوع بحث بن گئیں۔
سیما نے گیمنگ ایپ پب جی موبائل پر دہلی کے قریب گریٹر نوئیڈا کے رہنے والے سچن سے ملاقات کی۔ انہیں پیار ہو گیا اور سیما غیر قانونی طور پر نیپال کے راستے بھارت میں داخل ہو گئیں۔ ماں اور اس کے بچے سچن کے ساتھ رہنے کے لیے گریٹر نوئیڈا پہنچ گئے۔
تاہم، انٹرنیٹ اس مزاحیہ کلپ کے بارے میں جس میں عورت کے پب جی کھیلنے والے شوہر سچن مینا کو دکھایا گیا تھا، جیسا کہ ان کے متجسس پڑوسیوں نے بیان کیا ہے۔
متحرک سبز ساڑھی میں ملبوس خاتون اپنے کھلے خیالات کا اظہار کرنے سے روک نہیں سکی، بلند آواز میں سوچ رہی تھی کہ زمین پر سیما نے ایسے بظاہر عام آدمی میں کیا دیکھا، ایک ایسا لڑکا جس کے لیے اس نے اپنے شوہر کو پیچھے چھوڑ کر حدیں بھی عبور کر لیں۔
خاتون نے کہا: “سچن… کیا ہے سچن مجھے۔ لپو سا سچن ہے۔ بولنا استعمال آوے نا۔ بولتا وو ہے نا… جھنگور سے لڑکا۔‘‘
"The worst she can say is no"
She: pic.twitter.com/q1mq8Ui21m— رومانا (@RomanaRaza) July 19, 2023
پروگرام تو وڑ گیا
نجی ٹی وی چینل کے پروگرام میں ن لیگی رہنما افنان اللہ خان اور پی ٹی آئی رہنما شیر افضل مروت کے درمیان لڑائی ہوئی جو ہاتھا پائی تک پہنچ گئی۔
اس کے بعد نجی ٹی وی کا اینکر ان سے پوچھتا ہے کہ اس کے بعد پروگرام جاری رہا، شیر افضل اللہ مروت کہتے ہیں کہ نہیں، نہیں پروگرام کدھر جاری رہا پروگرام تو وڑ گیا۔
Program to ab sb ka hi war gaya. pic.twitter.com/x57JPsjMxZ
— Shahzeb (@confesspain_) December 20, 2023
آدیتیہ کمار ’آئیں‘
بھارتی ریاست بہار کے لڑکے آدتیہ کمار کا جواب انٹرنیٹ پر وائرل ہوگیا جس میں اس سے سوال پوچھا گیا تو الجھا نظر آیا اور جواب میں ’آین‘ کہا۔
انٹرویو لینے والے شخص نے دوبارہ سوال کیا تو لڑکا سبجیکٹ کو ’سبجی (سبزی) سمجھا اور کہنے لگا کہ مجھے بیگن پسند ہے، صحافی نے کہا کہ ارے ’سبجیکٹ کونسا پسند ہے تو کہنے لگا کہ انگریزی۔‘
کمار نے آنکھیں بند کر کے جواب دیا: "انگریزی”۔ اس نے 55 اور 100 نمبروں کے ہجے جاننے کا دعویٰ بھی کیا۔ جب ان سے انگریزی نظم یا "کویتا” سنانے کو کہا گیا تو کمار نے کہا کہ انہیں یاد نہیں۔
