اسلام آباد : سائفر اور توشہ خانہ کیسز میں بانی پی ٹی آئی کی سزا کے خلاف اپیلوں پر سماعت 26 فروری ہو گی، چیف جسٹس عامر فاروق اور جسٹس میاں گل حسن اورنگ زیب پر مشتمل ڈویژن بینچ سماعت کرے گا۔
تفصیلات کے مطابق بانی پی ٹی آئی کی سائفر کیس میں آفیشل سیکرٹ ایکٹ کی خصوصی عدالت سے اور توشہ خانہ نیب ریفرنس میں احتساب عدالت سے سزا کے خلاف اپیلیں سماعت کیلئے مقرر کر دی گئیں۔
بانی پی ٹی آئی کی اپیلوں پرسماعت کیلئے اسلام آباد ہائیکورٹ کا خصوصی بنچ تشکیل دے دیا گیا ہے، چیف جسٹس عامر فاروق ،جسٹس میاں گل حسن اورنگزیب پرمشتمل بینچ 26 فروری کو سماعت کرے گا۔
سائفر کیس میں شاہ محمود قریشی جبکہ توشہ خانہ ریفرنس میں بشری بی بی کی سزا کے خلاف اپیلوں پر بھی سماعت ہو گی، تمام سزا یافتہ مجرموں نے سزا معطل کر کے ضمانت پر رہا کرنے کی درخواستیں بھی دائر کر رکھی ہیں۔
اسلام آباد ہائی کورٹ کے چیف جسٹس عامر فاروق اور جسٹس میاں گل حسن اورنگ زیب پر مشتمل ڈویژن بینچ سماعت کرے گا۔
دوسری جانب بانی پی ٹی آئی کی 190ملین پاؤنڈ کرپشن کیس میں ضمانت کی درخواست پر سماعت کے لیے بھی بینچ تشکیل دے دیا گیا ہے، چیف جسٹس عامر فاروق اور جسٹس طارق محمود جہانگیری پر مشتمل ڈویژن بینچ سماعت کرے گا۔
