کراچی : جامعہ کراچی تعلیمی سال 2024 کیلئے فیسوں میں 30 فیصداضافہ کردیا ، اطلاق صرف نئے تعلیمی سیشن کے بی ایس اور ماسٹرزپروگرام کے داخلوں پر ہوگا۔

تفصیلات کے مطابق جامعہ کراچی کی اکیڈمک کونسل کا اجلاس ہوا ، اجلاس کی صدارت وائس چانسلرجامعہ کراچی پروفیسر ڈاکٹرخالدعراقی نے کی، جس میں داخلہ پالیسی کی منظوری دے دی گئی۔

اجلاس میں داخلے رائج انڈر گریجویٹ پالیسی کے تحت ہی دینے کا فیصلہ کیا گیا اور ایچ ای سی کی متعارف نئی انڈرگریجویٹ پالیسی فی الحال اختیار نہ کرنے کا فیصلہ کیا گیا۔

جامعہ انتظامیہ نے تعلیمی سال 2024 کیلئے فیسوں میں 30 فیصداضافہ کردیا ، اطلاق صرف نئے تعلیمی سیشن کے بی ایس اور ماسٹرزپروگرام کےداخلوں پر ہوگا۔

جامعہ کراچی نےبی ایس تھرڈایئر میں لیے جانے والے داخلہ ٹیسٹ ختم کردیے، داخلوں کا آغاز 30 اکتوبر سے ہوگا۔