اسلام آباد : مختلف وزارتوں کے ذمےکروڑوں روپے کے بجلی بلوں کےواجبات ہیں ، صرف دفتر خارجہ 14کروڑ 32 لاکھ 81 ہزار روپے سے زائد کی نادہندہ ہیں۔
تفصیلات کے مطابق مختلف وزارتیں ڈویژنز اور سرکاری ادارے بجلی بلوں کے نادہندہ نکلے، مختلف وزارتوں کے ذمےکروڑوں روپے کے بجلی بلوں کے واجبات ہیں۔
ذرائع نے بتایا کہ دفترخارجہ 14کروڑ 32 لاکھ 81 ہزار روپےسے زائد ، بی بلاک میں مختلف وزارتیں 9کروڑ83 لاکھ 67 ہزار سے زائد ، کیو بلاک میں وزارت خزانہ سمیت دیگر 4 کروڑ97 لاکھ 20 ہزارروپے سے زائد کی نادہندہ ہیں ۔
ذرائع کا کہنا ہے کہ سی بلاک میں واقع وزارتیں 4کروڑ 4 لاکھ 49 ہزار روپے سے زائد ، پارلیمنٹ ہاؤس بجلی بلوں کی مدمیں5 کروڑ 20 لاکھ 26 ہزارروپے سے زائد ، ایف بی آر بجلی بلوں کی مد میں 1کروڑ 54 لاکھ 20 ہزارروپے سے زائد اور کابینہ بلاک بجلی بلوں کی مد میں 7 کروڑ 64لاکھ 97 ہزار سے زائد کا نادہندہ ہے۔
، ذرائع کے مطابق سندھ ہاؤس پر 66 لاکھ 53 ہزار سے زائد پنجاب ہاؤس پر بجلی بلوں کی مد میں 51 لاکھ 20 ہزار روپے سے زائد، فارن سروس اکیڈمی کےذمے41 لاکھ 36 ہزار روپے سے زائد اور نیشنل لائبریری کے ذمےبجلی بلوں کے12لاکھ 90 ہزار سے زائد کے واجبات ہیں۔
نیشنل آرٹ گیلری کے ذمےبجلی بلوں کی مد میں واجب الادارقم 17لاکھ 80ہزارسےزائد ہے جبکہ پارلیمنٹ لاجز بجلی بلوں کی مد میں 10 لاکھ سے زائد کا نادہندہ ہے اور آزادکشمیرکونسل سیکرٹریٹ نے بجلی بلوں کی مدمیں 9 لاکھ 85 ہزار سے زائد ادا کرنے ہیں۔
