سڈنی ٹیسٹ کے پہلے روز جب پاکستان کا ٹاپ آرڈر مکمل ناکام ہوا تو لوئر آرڈر پر عامر جمال نے شاندار بیٹنگ کر کے ٹیم کی لاج رکھ لی۔
سڈنی کرکٹ ٹیسٹ کے پہلے دن پاکستان کا ٹاپ آرڈر مکمل ناکام رہا۔ دونوں اوپنر عبداللہ شفیق، صائم ایوب صفر پر آؤٹ ہوئے۔ سعود شکیل 5 رنز کے مہمان ثابت ہوئے۔ بابر اور کپتان شان مسعود بالترتیب 26 اور 35 پر پویلین لوٹ گئے۔
صرف 96 رنز پر آدھی ٹیم کے آؤٹ ہونے پر مڈل آرڈر میں محمد رضوان اور آغا سلمان نے ٹیم کو سہارا دیا اور چھٹی وکٹ کے لیے 94 رنز جوڑے تاہم دونوں کے آؤٹ ہوتے ہی پاکستان ٹیم کے 9 کھلاڑی 227 رنر پر واپس جا چکے تھے۔ ایسے میں اپنا تیسرا ٹیسٹ کھیلنے والے عامر جمال نے میر حمزہ کے ساتھ مل کر دسویں وکٹ کے لیے قیمتی 86 رنز کی پارٹنر شپ قائم کی۔
عامر جمال نے آؤٹ ہونے سے قبل 82 رنز بنائے اور اننگ کے دوران میدان کے چاروں طرف شاندار اسٹروک کھیلے۔ ان کی یہ زبردست اننگ چار چھکوں اور 9 چوکوں سے سجی ہوئی تھی تاہم ان کا سوئپ شاٹ کھیلتے ہوئے مارا گیا چھکا دیکھنے والوں کو دنگ کر گیا۔
سڈنی ٹیسٹ، رضوان اور عامر جمال نے پاکستانی بیٹنگ کی لاج رکھ لی، پہلی اننگ 313 رنز پر تمام
دائیں ہاتھ سے بلے بازی کرنے والے آل راؤنڈر عامر جمال اس وقت 62 کے انفرادی اسکور پر تھے اور سامنے آف اسپنر ناتھن لیون بولر تھے۔ لیون نے آف اسٹمپ کی جانب بال پھینکی اسی لمحے عامر نے پینترا بدلا اور سوئپ شاٹ کھیلتے ہوئے گیند کو اچھال دیا جو فیلڈرز کے سروں سے ہوتی ہوئی کریز کے باہر جا پہنچی۔
Reverse sweep six! Are you kidding! #AUSvPAK pic.twitter.com/vmjG1IzpUs
— cricket.com.au (@cricketcomau) January 3, 2024
ان کے اس شاٹ سے صرف شائقین کرکٹ ہی نہیں بلکہ خود بولر ناتھن لیون اور آسٹریلوی کھلاڑی بھی دنگ رہ گئے۔
