آسٹریلین اوپن ٹینس ٹورنامنٹ کے دوسرے راؤنڈ میں سربیا کے ٹینس اسٹار نوواک جوکووچ مداح سے الجھ پڑے۔
سربیا کے ٹینس اسٹار نوواک جوکووچ آسٹریلین اوپن کے دوسرے راؤنڈ میں مداح سے الجھ پڑے جس کی ویڈیو سوشل میڈیا پر وائرل ہوگئی۔
جوکووچ کا مقابلہ آسٹریلوی کھلاڑی الیکسی پوپائرین سے تھا۔
میچ کے دوران شائقین کی جانب سے جملے کسنے کا سلسلہ جاری تھا، عالمی نمبر ایک ٹینس اسٹار ٹائی بریکر میں تیسرا سیت محفوظ کرنے کے لیے متعدد سیٹ پوائنٹس بچائے جس کے بعد پہلے دو سیٹ دونوں کھلاڑیوں کے برابر رہے۔
چوتھے سیٹ میں شائقین میں بیٹھے ایک شخص نے جوکووچ کو غصہ دلا دیا اور ان پر جملے کسنے لگا۔
ویڈیو میں دیکھا جاسکتا ہے کہ جووکوچ قریب گئے اور مداح کو خاموش کرواتے ہوئے کہا کہ ’آؤ اور جو کہنا ہے میرے منہ پر آکر کہو۔‘ جس کے بعد وہ شخص خاموش ہوگیا۔
Novak Djokovic engages with a member of the crowd looking to get under his skin #AusOpen pic.twitter.com/jLCWNe9lLE
— Eurosport (@eurosport) January 17, 2024
جوکووچ نے آسٹریلوی حریف پوپائرین کو 6-3، 4-6، 7-6 (4) اور 6-3 سے شکست دی۔
واضح رہے کہ اس کامیابی کے ساتھ ہی عالمی نمبر ایک نوواک جوکووچ آسٹریلین اوپن کے تیسرے راؤنڈ میں پہنچ گئے ہیں۔
