ورلڈ کپ کے 31ویں میچ میں پاکستان کے خلاف بنگلہ دیشی بیٹر لٹن داس نے آؤٹ ہونے کے بعد کریز چھوڑنے سے انکار کردیا۔
کولکتہ کے ایڈن گارڈن اسٹیڈیم میں کھیلے جارہے میچ میں بنگلہ دیش کی ٹیم 45.1 اوورز میں 204 رنز پر ڈھیر ہوگئی اور پاکستان کو جیت کے لیے 205 رنز کا ہدف دیا جس کے تعاقب میں پاکستان کی بیٹنگ جاری ہے۔
محمود اللہ 56 رنز بنا کر ٹاپ اسکورر رہے، لٹن داس نے 45 رنز بنائے اور کپتان شکیب الحسن 43 رنز کے ساتھ نمایاں رہے، مہدی حسن میراز 25 رنز بنا کر پویلین لوٹ گئے۔
پاکستان کی جانب سے شاہین شاہ آفریدی اور محمد وسیم جونیئر نے تین، تین وکٹیں حاصل کیں، حارث رؤف نے دو، افتخار احمد اور اسامہ میر نے ایک، ایک وکٹ حاصل کی۔
تاہم میچ کے 21ویں اوور میں افتخار احمد کی گیند پر لٹن داس مڈ وکٹ پر سلمان علی آغا پر کیچ دے بیٹھے۔
ویڈیو میں دیکھا جاسکتا ہے کہ لٹن داس کو آؤٹ ہونے کے بعد یقین نہیں آیا اور کچھ دیر تک کریز پر ہی کھڑے رہے اس کے بعد پویلین کی جانب روانہ ہوئے۔
واضح رہے کہ لٹن داس نے ابتدائی وکٹیں جلد گرنے کے بعد محمود اللہ کے ساتھ چوتھی وکٹ پر 79 رنز کی پارٹنر شپ قائم کی اور وہ 45 رنز بناکر آؤٹ ہوئے۔
