بھارتی طیارے میں ایک شخص خون کی الٹیاں کرتے ہوئے جاں بحق ہوگیا، یہ واقعہ ممبئی سے رانچی جانے والی فلائٹ میں پیش آیا۔
غیرملکی میڈیا رپورٹس کے مطابق طیارے میں جاں بحق ہونے والا مسافر تپ دق کی بیماری میں مبتلا تھا جس کی عمر 62 سال بتائی جاتی ہے، طبعیت بگڑنے پر طیارے میں ہی اسے خون کی الٹیاں ہونا شروع ہوگئیں۔
ایئر لائن نے اپنے بیان کہا کہ مذکورہ طیارہ رانچی کے لیے محو سفر تھا، بیمار شخص کو طبی امداد فراہم کرنے کے پیشِ نظر فلائٹ کو اچانک ناگپور ڈائیورٹ کیا گیا، وہاں مسافر کو طیارہ سے اتار کر اسپتال لے جایا گیا، تاہم مسافر جانبر نہ ہوسکا۔
ناگپور میں واقع کے آئی ایم ایس کنگز وے اسپتال کے ڈی جی ایم اعزاز سمیع نے بتایا کہ مذکورہ مسافر کرونک کڈنی ڈیزیز اور تپ دق کی بیماری میں مبتلا تھا، خون کی الیٹاں کرنے کے بعد اس کی طیارے میں ہی موت واقع ہوگئی اسے اسپتال لایا گیا تو وہ مرچکا تھا۔
واضح رہے کہ جس طیارے میں یہ سارا واقعہ رونما ہوا وہ انڈیگو ایئرلائنز کی ممبئی سے رانچی جانے والی پرواز تھی، طبی ایمرجنسی کے باعث ہی طیارے نے ناگپور میں لینڈنگ کی تھی، مسافر کو ناگپور کے کے آئی ایم ایس اسپتال لے جایا گیا تھا تاہم ہو پہلے ہی انتقال کرچکا تھا۔
