بالی ووڈ کی آنجہانی کوریو گرافر سروج خان اور اداکار سلمان خان کا ماضی کا جھگڑا سوشل میڈیا کی زینت بن گیا۔
بھارتی میڈیا رپورٹس کے مطابق سلمان خان نے مشکل وقت میں آنجہانی کوریو گرافر سروج خان کی مدد کے لیے آگے آئے تھے اور ان کے پوتے کے دل کی سرجری کرانے میں بھی مدد کی تھی لیکن ایک وقت ایسا بھی تھا جب سلمان خان نے سروج خان کو دھمکی دی تھی کہ وہ ان کے ساتھ کبھی کام نہیں کریں گے۔
فلم انداز اپنا اپنا میں سروج خان کوریو گرافر تھیں جہاں عامر خان کو ڈانس اسٹیپس دیے گئے اور سلمان خان کو کم موقع ملا جس سے وہ ناراض ہوگئے اور اس کا الزام کوریوگرافر پر لگایا۔
سروج خان نے ایک انٹرویو میں کہا تھا کہ جب ان کا سلمان خان کے ساتھ جھگڑا ہوا تھا اور سلمان نے میرے ساتھ کام کرنے سے انکار کیا تھا اور کہا تھا کہ جب میں ٹاپ ہیرو بن گیا تو میں آپ کے ساتھ کبھی کام نہیں کروں گا۔
انہوں نے کہا کہ اگر کسی کو اس کے بارے میں برا لگا تو وہ معذرت خواہ ہیں لیکن اس کے بارے میں وہ کچھ نہیں کرسکتی تھیں میں نے پھر کہا کہ ’تم میرے ساتھ کام نہیں کروگے؟ جب اس نے منع کیا تو میں نے کہا کہ ’روٹی اللہ دیتا ہے۔۔۔۔ تو نہیں دیتا ہے۔‘
ایک انٹرویو میں آنجہانی کوریو گرافر نے بتایا کہ ایک وقت تھا جب انہیں کوئی فلم نہیں مل رہی تھی جب سلمان ان کی مدد کے لیے آئے اور انہیں ایک فلم میں سائن کرنے کا وعدہ بھی کیا۔