لاہور: وزیر صحت پنجاب یاسمین راشد نے کہا ہے کہ نوازشریف کی بیماری اور میڈیکل رپورٹ پر قائم ہوں، میڈیکل بورڈ یا ہم نے کبھی نہیں کہا کہ نوازشریف چل پھر نہیں سکتے۔
تفصیلات کے مطابق صوبائی وزیر صحت یاسمین راشد نے برطانوی اخبار کو انٹرویو میں کہا کہ میڈیکل بورڈ نے میڈیکل رپورٹس کی بنیاد پرنوازشریف کو طبی سہولتیں دیں، ڈاکٹروں کی تجویز تھی بعض ٹیسٹ بیرون ملک ہی ہوسکتے ہیں۔
وزیر صحت پنجاب یاسمین راشد نے کہا ہے کہ نوازشریف کی بیماری اور میڈیکل رپورٹ پر قائم ہوں، میڈیکل بورڈ یا ہم نے کبھی نہیں کہا کہ نوازشریف چل پھر نہیں سکتے۔
نواز شریف ملک کا اثاثہ ہیں، اللہ انہیں صحت دے، شہباز شریف
شہباز شریف کا 2 روز قبل کہنا تھا کہ ڈاکٹر لارنس نے نوازشریف کا معائنہ کیا ہے اور انہوں نے مزید ٹیسٹ تجویز کیے ہیں، نوازشریف کا آئندہ ہفتے پی ای ٹی اسکین ہوگا۔ شہباز شریف کا کہنا تھا کہ عمران خان کے بارےمیں کوئی بات نہیں کرنا چاہتا، دیار غیر میں سیاسی بات کرنا مناسب نہیں لگتا۔
یاد رہے کہ 19 نومبر کو سابق وزیراعظم نوازشریف قطر ایئرلائنز کی پرواز کے ذریعے لاہور سے پہلے دوحہ اور پھر دوحہ سے لندن پہنچے تھے۔
