ایک بھارتی نوجوان کرکٹر راہول تیواتیا کی پاکستان کے سابق کپتان لیجنڈری جاوید میانداد سے مشابہت دیکھنے والوں کو حیران کر گئی ہے۔
دنیا میں ایک جیسی شکل وصورت والے لوگوں کا ہونا کوئی انوکھی بات نہیں لیکن ایک جیسی مشابہت والوں کا ایک ہی پیشے سے منسلک ہونا ضرور حیران کن ہو سکتا ہے۔ ایک بھارتی نوجوان کرکٹر راہول تیواتیا کی بھی پاکستان کے سابق کپتان جاوید میانداد سے مشابہت دیکھنے والوں کو حیران کر گئی ہے۔
انڈین پریمیئر لیگ (آئی پی ایل) کی ٹیم گجرات ٹائٹنز کے آل راؤنڈر راہول تیواتیا کی رنجی ٹرافی کے دوران بیٹ سنبھالے ایک تصویر دیکھتے ہی دیکھتے سوشل میڈیا پر وائرل ہو گئی ہے کیونکہ وہ اس میں حیران کن طور پر جاوید میانداد کے کافی مشابہہ دکھائی دے رہے ہیں۔
صرف اتنا ہی نہیں راہول کا یہ روپ انہیں سابق بھارتی اوپنر منوج پربھاکر سے بھی ملا رہا ہے جس کے بعد شائقین کرکٹ انہیں ماضی کے دیگر نامور کرکٹرز سے بھی ملانے لگے ہیں۔
Javed Miandad, Manoj Prabhakar & David Boon in one frame
— Ashish Ranjan (@citizenashish) February 11, 2024
ایک صارف نے راہول کی تصویر پر تبصرہ کرتے ہوئے کہا کہ جاوید میانداد، منوج پربھاکر اور ڈیوڈ بون کو ایک فریم میں شامل کر دیا گیا ہے۔
Proof that time machine exists
— THAKUR SAHEB (@iTHAKURSAHEB) February 11, 2024
ایک صارف نے لکھا کہ یہ تصویر ثابت کرتی ہے کہ ٹائم مشین بھی کسی چیز کا نام ہے۔