نئی دہلی: مشہور زمانہ فاسٹ فوڈ چین کا ’’بلیک برگر‘‘ بھارت میں تیزی سے مقبول ہونے لگا ہے، اس سے قبل جاپان اور امریکہ میں بھی یہ برگر کامیابی کے جھنڈے گاڑ چکا ہے۔

جنوبی افریقہ سے تعلق رکھنے والی فوڈ چین نے تین ہفتے قبل اپنی نئی پراڈکٹ بھارت میں متعارف کرائی جس سے نا صرف یہ کہ ان کے ریستوران پر رش بڑھ گیا بلکہ ان کے صارفین یہ نیا برگر کھا کر مطمئن بھی ہوئے۔

بارسیلوز نامی اس بین الاقوامی فوڈ چین نے بھارت میں اپنی شاخ دہلی کے مرکزی علاقے خان بازار میں قائم کی جہاں کمپنی کو صارفین کی جانب سے بے پناہ پذیرائی مل رہی ہے۔

بھارت میں یہ برگر پیری بلیک بیوٹی (سبزی) اور پیری بلیک میجک (چکن) دونوں میں دستیاب ہے۔

واضح رہے کہ انتہائی منفرد صورت والا یہ برگر پاکستان کے ثقافتی مرکز لاہور میں بھی دستیاب ہے۔

Comments