لاڑکانہ جلسےمیں کوئی رکاوٹ نہیں ڈالی جا رہی،شرجیل میمن

کراچی: سندھ کے وزیراطلاعات شرجیل انعام میمن کاکہناہےکہ لاڑکانہ میں ہونے والے پی ٹی آئی کےجلسے میں آنےسےکسی کو نہیں روکاجارہا،جھوٹے اور من گھڑت پروپیگنڈےکو بندکیاجائے۔

تفصیلات کے مطابق سندھ کے وزیر اطلاعات شرجیل میمن کاکہناہےکہ لاڑکانہ کےجلسے میں آنے سے کسی کو نہ روکا ہے نہ روکیں گے۔ وہ کراچی میں میڈیا سے گفتگو کررہے تھے۔

شرجیل میمن نے کہا کہ عمران خان اورتحریک انصاف کے دیگر رہنماؤں اورجلسہ گاہ کو بھی مکمل سیکیورٹی فراہم کی جارہی ہے۔شہر کےکسی بھی حصے میں کیبل نشریات کو بندنہیں کرایاگیا۔حکومت کیخلاف بےبنیاد اور من گھڑت پروپیگنڈےکو فوری طور پہ بندکیاجائے۔

علاوہ ازیں  ایس ایس پی لارکانہ کا کہنا ہے کہ جلسے کی سیکورٹی کیلئے دو ہزار پولیس اہلکاروں کو تعینات کیا گیا ہے۔

Comments