کراچی : اے آر وائی نیوز کے پروگرام دی مارننگ شو وِد صنم بلوچ کو ایک سال مکمل ہوگیا۔ پہلا سال کامیابیوں سے بھرپور رہا جس کی خوشی میں مارننگ شو نے شاندارسالگرہ منائی ۔
دی مارننگ شو وِد صنم بلوچ میں خوشیوں کی بہارمیں عوام کی آواز سنائی گئی،جب کبھی غم کے بادل چھائے تو بھی قوم کے سنگ رہا اور شاندار کامیابی کا ایک سال اے آر وائی نیوز کے دی مارننگ شو ودصنم بلوچ نے مکمل کرلیا۔
یہ ادا اور یہ اندازہر گھر کی آواز بنا ،پروگرام کی میزبان صنم بلوچ نے روایتی مارننگ شو سے ہٹ کر اپنا پروگرام پیش کیا ۔ کبھی کسی کی مدد کا معاملہ اٹھایا تو کبھی کسی درد مند کی آواز بنیں ،تین سالہ بچی کو ماں سے بھی ملوایا۔
نٹ کھٹ سی صنم بلوچ نے ایک سال کے دوران وہ کیا جو کسی دوسرے مارننگ شو نے نہ کیا۔ مختلف شعبوں میں اپنے کارناموں سے تاریخ کے اوراق میں نام رقم کرنے والوں کو اپنے شو میں بلاکران کو خراج تحسین پیش کیا۔
سالگرہ شو پر اے آر وائی فلمز کی نئی فلم جلیبی کی کاسٹ نے خوب رنگ جمایا اور صنم بلوچ کے ساتھ مل کر خوب ہنگامہ کیا اور ٹیم کے ساتھ مل کرسالگرہ کاکیک کاٹا۔
