نیویارک: انٹرنیٹ کے بغیر سوشل ایپلی کیشن واٹس ایپ کا استعما ل ممکن ہوگیا۔
اسمارٹ فون صارفین کی بڑی تعداد رابطے میں رہنے کیلئے سوشل ایپلی کیشن واٹس ایپ کا استعمال کرتے ہیں، جس کے لیے انٹرنیٹ کا ہونا لازمی ہے تاہم صارفین کے لیے واٹ سم کے نام سے ایک سم کارڈ متعارف کرا دیا گیا ہے۔
اٹلی کی زیرو موبائل کمپنی نے واٹ سم کے نام سے ایک سم کارڈ متعاراف کرایا ہے، جو دنیا کے ایک سو پچاس ممالک میں چار سو موبائل آپریٹرز کے ساتھ کنکٹ ہونے کے قابل ہے اور اسے کہیں بھی کسی بھی جگہ پر استعمال کیا جا سکتا ہے۔
کمپنی کا کہنا ہے کہ واٹس ایپ کے ایسے صارفین جو مہنگے موبائل انٹرنیٹ اور وائی فائی کی غیر موجودگی سے پریشانی کا شکار رہتے ہیں، ان کیلئے یہ بہترین طریقہ ہے کہ وہ مہنگے داموں انٹرنیٹ ڈیٹا پلانز خریدنے کے بغیر ہی اپنے پیاروں کے ساتھ رابطے میں رہ سکیں۔ ابتدائی طور پر اس کی قیمت 10 یورو (تقریباً 1,168 پاکستانی روپے) مقرر کی گئی ہے۔
ابتدائی طور پر ”واٹ سم“ کو کمپنی کی ویب سائٹ پر فروخت کیلئے پیش کیا گیا ہے تاہم جلد ہی اسے 100 ممالک میں ڈسٹری بیوٹرز کے ذریعے فروخت کیلئے بھی پیش کر دیا جائے گا۔
