لاہور: شیراکوٹ میں بس اڈے سے صندوق میں ملنے والی لاش کا معمہ حل ہوگیا۔
تفصیلات کے مطابق شیراکوٹ بس اڈےپرکھڑی ایک بس سےتیرہ جنوری کو لاوارث صندوق ملا تھا ، جس سے ایک خوبرو لڑکی کی لاش برآمد ہوئی تھی۔ جس کی شناخت اریبہ کے نام سے ہوئی۔
مقتولہ پنجاب یونیورسٹی کی طالبہ اور مسلم ٹاؤن ہاسٹل میں رہائش پذیر تھی، اے آر وائی نیوز نے بس اڈے سے سی سی ٹی وی فوٹیج حاصل کی تو معمہ حل ہوا ۔
- Advertisement -
ماڈل ٹاؤن کی رہائشی طوبٰی نامی خاتون نے اپنے ساتھی سے مل کر سیالکوٹ کی دو ٹکٹیں حاصل کیں اور صندوق بس کے اندر رکھ کر غائب ہو گئے۔
پولیس کا کہنا ہے کہ مقتولہ کو ماڈلنگ کا شوق تھا۔ ملزمہ نے اسے جھانسہ دیا اور قتل کرنے کے بعد لاش کو چھپانے کی کوشش کی۔ پولیس نے معمہ حل ہونے پر ملزمہ کی گرفتاری کیلئے چھاپے مارنے شروع کر دیئے ہیں۔
