لاہور: دہشت گردوں کے خلاف فیصلہ کن کارروائی کےفیصلےکےبعداہم مقامات کی سیکیورٹی بڑھانے کے اقدامات شروع کردیئے گئے ہیں جبکہ سیکیورٹی خدشات کے پیشِ نظر پنجاب بھرکے اسکولوں میں اسمبلی پر پابندی لگادی گئی ہے۔
دہشت گردی کے خطرے کے پیش نظر پنجاب کے اسکولوں میں اسمبلیوں پرپابندی عائد،بین الصوبائی اور بین الاضلاعی معلوماتی اور تفریحی دوروں کے لیے تعلیمی اداروں کو محکمہ تعلیم سے پیشگی اجازت لینا ہوگی۔
وزیراعلیٰ پنجاب میاں شہباز شریف نےہوائی اڈوں کی سکیورٹی بھی فول پروف بنانے کی ہدایت کی ہے۔
ایڈووکیٹ جنرل آفس نے آئی جی پنجاب کو مراسلہ تحریرکیاہےجس میں اے جی آفس کی پارکنگ ختم کرکے عام لوگوں کے داخلے پرپابندی اورسیکیورٹی مزیدسخت کرنے کاکہاگیاہے۔
میانوالی کے داخلی اورخارجی راستوں پرپولیس کی بھاری نفری تعینات ہے،چیکنگ کے دوران فاٹا سےتعلق رکھنے والے ایک شخص کوحراست میں لیاگیاہے۔
