سوئٹزرلینڈ: دنیا کی مہنگی ترین گھڑی متعارف کرادی گئی، پندرہ ملین پاؤنڈ مالیت کی یہ گھڑی گیارہ نومبر کو نیلامی کیلئے پیش کی جائے گی۔
اٹھارہ قیراط سونے سے بنائی گئی دنیا کی پیچیدہ ترین گھڑی جسے آٹھ سال میں مکمل کیا گیا، ناقابلِ یقین پندرہ ملین پاؤنڈ میں فروخت کیلئے تیار ہے، ہاتھ سے بنائی گئی اس گھڑی میں کئی صدیوں کا کیلنڈر، چاند کے مختلف ادوار، اضافی توانائی، طلوع اور غروب آفتاب رات کے وقت نیویارک شہر کے آسمان کی تصویر دکھانے کی سہولت موجود ہے۔
یہ گھڑی اس قدر پیچیدہ اور بہترین ٹیکنالوجی سے آراستہ ہے کہ صرف جدید کمپیوٹر ٹیکنالوجی ہی اس کا مقابلہ کرسکتی ہے، اسے معروف نیلام گھر ساتھیبی میں گیارہ نومبر کو بولی کیلئے پیش کیا جارہا ہے۔
