کہا جاتا ہے کہ اگر آپ پھرتیلے رہنا چاہتے ہیں تو چنے کا استعمال باقاعدگی سے کرنا شروع کر دیں، صرف ایک مٹھی چنے آپ کو صحت مند اور طاقتور بن سکتے ہیں، اسے کھانا جسم کے لئے بہت فائدہ مند ہوتا ہے ۔
چنے میں کاربوہائیڈریٹ ، پروٹین ، نمی ، چکنائی ، ریشے ، کیلشیم ، آئرن اور وٹامنس پائے جاتے ہیں، چنا سے آپ خوبصورت بن سکتے ہیں جبکہ یہ دماغ بھی تیز کرتا ہے، خون کی کمی ، پیلیا جیسے امراض میں چنے کا استعمال فائدہ مند ہوتا ہے ۔
بالوں اور جلد کی خوبصورتی میں اضافہ کے لئے چنے کے آٹے کا استعمال ہوتا ہے ، چنے کو غریبوں کا بادام کہا جاتا ہے کیونکہ یہ سستا ہوتا ہے لیکن اسی سستی چیز میں بڑی سے بڑی بیماریوں سے لڑنے کی صلاحیت ہے ۔
چنے سے بالوں کا گرنا بھی رکتا ہے کیونکہ اس میں موجود پروٹین بالوں کو مضبوطی فراہم کرتے ہیں، ابلا ہوا چنے کو صرف نمک کے ساتھ ملا کر کھانے سے آپ کا وزن بھی کم ہو سکتا ہے۔
