اسلام آباد: تھانہ سیکریٹریٹ میں تحریکِ انصاف کے چیئرمین عمران خان اورعوامی تحریک کے سربراہ طاہر القادری کے خلاف مزید تین مقدمات درج کرلئے گئے ہیں، اے آروائی نیوز نےایف آئی آر کی کاپی حاصل کرلی ہے۔
عمران خان اور طاہرالقادری کے خلاف دہشت گردی دفعات کے تحت مزید تین مقدمات درج کرلئے گئے ہیں، تھانہ سیکریٹریٹ میں دونوں رہنماؤں کے خلاف ایس ایس پی آپریشنز عصمت اللہ جونیجو پر حملے اور زخمی کرنے کا مقدمہ درج کیا گیا ہے۔
دیگر دو مقدمات میں عمران خان اور طاہر القادری پر پستول چھیننے ، سی سی ٹی وی کیمرے چوری کرنے کا الزام ہے۔
تحریکِ انصاف کے چیئرمین عمران خان کے خلاف پندرہ سمتبر کو کارکنان کو چھرانے کا مقدمہ بھی درج کیا جا چکا ہے، تحریکِ انصاف اور عوامی تحریک کے مرکزی قائدین کے خلاف اب تک دس ایف آئی کاٹی جاچکیں ہیں، جن میں سے پانچ تھانہ سیکرٹریٹ، تین تھانہ کوہسار میں اور دو تھانہ آبپارہ میں درج کی گئیں ہیں۔
