لندن: برطانوی فضائیہ کے سربراہ ایئر چیف مارشل اسٹیفن ہیلیئر نے کہا ہے کہ ہم فائٹر جیٹ ٹیکنولوجی میں اپنی لیڈر شپ برقرار رکھنا چاہتے ہیں۔
ان خیالات کا اظہار انہوں نے برطانیہ کے دار الحکومت لندن میں پریس کانفرنس کرتے ہوئے کیا، اسٹیفن ہیلیئر کا کہنا تھا کہ ہم مستقبل کے لیے اپنی حکمت عملی تیار کر رہے ہیں، موجودہ جیٹ ٹیکنولوجی میں بھی تبدیلی لائیں گے۔
انہوں نے کہا کہ برطانیہ کی خواہش ہے کہ جدید جنگی طیارے بنانے کی ٹیکنالوجی میں وہ آئندہ بھی بین الاقوامی سطح پر اپنی قائدانہ حیثیت کا حامل رہے۔
ایئرفورس کیڈٹس کی پاسنگ آؤٹ تقریب میں برطانوی ایئرچیف مارشل کی شرکت
سربراہ برطانوی فضائیہ کا کہنا تھا کہ دیگر ملکوں کے نقشے قدم پر نہیں چل رہے، اپنی فضائیہ کو مضبوط سے مضبوط تر کرنے کا عزم ہے۔
یورپی ممالک پر تبصرہ کرتے ہوئے ان کا کہنا تھا کہ یورپین ممالک کو چاہیے کہ وہ جیٹ ٹیکنولوجی پر مزید توجہ دیں، برطانوی فضائیہ کا کوئی سانی نہیں ہے۔
پارلیمنٹ سے منظوری کے بعد برطانوی فضائیہ کی شام میں بمباری
خیال رہے کہ برطانوی ایئر فورس کے سربراہ نے یہ بات ایسے وقت پر کہی ہے کہ جب گزشتہ مہینے ہی جرمنی اور فرانس کی حکومتوں نے ایک معاہدے پر دستخط کیے تھے۔
واضح رہے کہ اس معاہدے کے تحت مل کر مستقبل کے جدید ترین جنگی جیٹ تیار کیے جائیں گے، جو دونوں ممالک کی فضائی افواج استعمال کریں گی۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
