کراچی: وزیراعظم عمران خان اور ایم کیو ایم پاکستان کے وفد کے درمیان ملاقات کی اندرونی کہانی سامنے آگئی۔
اے آر وائی نیوز کی رپورٹ کے مطابق ایم کیوایم پاکستان نےوزیراعظم سےملاقات میں جی بی حکومت میں شراکت کامطالبہ دہرادیا، وفد نے جی بی الیکشن میں پی ٹی آئی ایم کیوایم تحریری معاہدہ یاد دلایا۔
ذرائع کا کہنا ہے کہ معاہدہ پرپی ٹی آئی کےحق میں امیدواردستبردارکرائےتھے، مشیران کوجی بی حکومت میں شامل کرنےکی وزیراعظم نے یقین دہانی کرادی۔
ذرائع کے مطابق جلدایم کیوایم گلگت بلتستان حکومت کاحصہ ہوگی،ایم کیوایم نےسینیٹ الیکشن میںوزیراعظم کوحمایت کی یقین دہانی کرائی۔
ایم کیو ایم کے تمام تحفظات کو دور کیا جائے گا، وزیراعظم کی یقین دہانی
واضح رہے کہ اس سے قبل وزیر اعظم عمران خان نے ایم کیو ایم کے وفد کو تمام تحفظات دور کرنے کی یقین دہانی کراتے ہوئے کہاتھا کہ لاپتہ کارکنان اور ایف آئی آرسےمتعلق معاملہ وزارت داخلہ دیکھے۔
ایم کیوایم نےملاقات میں وزیراعظم کےسامنےتحفظات بھی رکھے اور سیاسی دفاترکی واپسی،لاپتہ کارکنوں،ترقیاتی کاموں میں تاخیرکامعاملہ اٹھاتے ہوئے کہا آزادانہ سیاست اوردفاترملناآئینی حق ہے، وزیراعظم اپناکرداراداکریں اور لاپتہ کارکنان، جھوٹی ایف آئی آرکےاندراج پروزیراعظم نوٹس لیں۔
وزیراعظم نے یقین دہانی کرائی کہ ایم کیو ایم کے تمام تحفظات کو دور کیا جائے گا اور کراچی کے منصوبوں پر مشاورت میں ایم اکیوایم کو شامل رکھا جائے گا۔
