استادوں کے استاد نصرت فتح علی خان کی برسی پر گلوکار راحت فتح علی خان نے انہیں شاندار انداز میں خراج عقیدت پیش کیا ہے۔
فوٹوزاینڈ ویڈیوز شیئرنگ ایپ انسٹا گرام پر راحت فتح علی خان نے نصرت فتح علی خان کا پوٹریٹ شیئر کیا، راحت فتح علی خان نے دل کی ایموجی کے ساتھ لکھا کہ لیجنڈ استاد نصرت فتح علی خان ہمیشہ ہمارے دلوں میں ہیں۔
راحت فتح علی خان نے مزید کہا کہ صرف ایک نصرت ہوسکتا ہے، میرا رہنما اور میرا استاد۔
واضح رہے کہ مشہور پاکستانی قوال اور دنیا بھر میں موسیقی اور اپنی گائیکی سے پہچان بنانے والے نصرت فتح علی خان 2007ء میں آج ہی کے دن اس دارِ فانی سے رخصت ہوگئے تھے۔
یہ بھی پڑھیں: آج مشہور قوّال اور موسیقار نصرت فتح علی خان کی برسی ہے
نصرت فتح علی خان نے فنِ قوالی، موسیقی اور گلوکاری کے اسرار و رموز سیکھے اور وہ عروج حاصل کیا کہ آج بھی دنیا بھر میں انھیں ان کے فن کی بدولت نہایت عقیدت، محبت اور احترام سے یاد کیا جاتا ہے۔
یہ نصرت فتح علی خان کا کارنامہ ہے کہ انھوں نے قوالی کو مشرق و مغرب میں مقبول بنایا اور خاص طور پر صوفیائے کرام کے پیغام کو اپنی موسیقی اور گائیکی کے ذریعے دنیا کے کونے کونے تک پہنچایا۔ انھوں نے اپنے فن کے ذریعے دنیا کو امن، محبت اور پیار کا درس دیا اور پاکستان کا نام روشن کیا۔
View this post on Instagram
