سماجی رابطوں کی ویب سائٹ ٹوئٹر نے امریکی اخبار نیو یارک ٹائمز، واشنگٹن پوسٹ، سی این این اور دیگر میڈیا گروپس سے وابستہ صحافیوں کے اکاؤنٹس معطل کر دیئے۔
خبر رساں ایجنسی کے مطابق ان صحافیوں کا اکاؤنٹ کیوں معطل کیا گیا اور ان کی پروفائل اور پرانی ٹویٹس اچانک کیوں غائب ہو گئیں اس بارے میں ٹوئٹر کی جانب سے کو وضاحت نہیں دی گئی۔
سی سی این کے مطابق سماجی رابطوں کی ویب سائٹ ٹوئٹر نے نئے مالک ایلون مسک پر رپورٹ کرنے والے صحافیوں کے اکاؤنٹ معطل کئے ہیں۔
- Advertisement -
اس حوالے سے ٹوئٹر کے مالک ایلون مسک نے لکھا کہ صحافیوں پر وہی قوانین لاگو ہوتے ہیں جو دیگر لوگوں پر لاگو ہوتے ہیں۔
امریکی میڈیا کے مطابق نیویارک ٹائمز نے ٹوئٹر کی پابندیوں کو قابل اعتراض قرار دیتے ہوئے امید ظاہر کی ہے کہ تمام صحافیوں کے اکاؤنٹس بحال کر دیے جائیں گے۔
