بھارت میں آئے روز جرائم سے متعلق خبریں شہ سرخیوں کی زینت بنتی ہیں مگر مذکورہ واقعے نے تو انسانیت کو ہلادیا ہے۔
بھارتی میڈیا رپورٹ کے مطابق بھارتی ریاست مدھیہ پردیش کے ضلع ریوا میں انسانیت سوز واقعہ پیش آیا، جسے کیمرے کی آنکھ نے محفوظ کرلیا، جسے بعد ازاں وائرل کیا گیا تو شدید ردعمل سامنے آیا ہے۔
وائرل ویڈیو میں دیکھا جاسکتا ہے کہ ایک جوڑا آپس میں محو گفتگو تھے کہ اسی دوران لڑکا،لڑکی کے درمیان شادی سے متعلق گفتگو ہونے لگتی ہے، لڑکی فوری شادی سے انکار کرتی ہے جس پر لڑکا مشتعل ہوجاتا ہے اور وہ لڑکی پر تھپر برسانا شروع کردیتا ہے۔
یہیں نہیں انسانیت سے عاری یہ شخص لڑکی کو بے دردی سے زمین پر گراتا ہے اور اس کے نازک اعضا پر لاتوں کی بارش کردیتا ہے، پھر بھی اس کا غصہ ٹھنڈا نہیں ہوتا تو وہ یکے بعد دیگرے لڑکی کے منہ پر لاتیں برسادیتا ہے جس کے باعث لڑکی بے ہوش ہوجاتی ہے۔
Trigger Warning-Violence
इस राक्षस को धारा 151 की खानापूर्ति करके छोड़ दिया एमपी के रीवा की पुलिस ने
परिवार अगर खूंखार के खौफ से शिकायत नहीं करवाएगा,तो क्या पुलिस इससे भी खौफनाक अगली वारदात के लिए राक्षस को आजाद छोड़ देगी बताएं क्या ये घटना 151 की है
— Yogita Bhayana योगिता भयाना (@yogitabhayana) December 24, 2022
واقعے کے بعد مقامی پولیس کا بیان سامنا آیا کہ ویڈیو میں بہیمانہ تشدد کرنے والا شخص موگنج علاقے کے ڈھیرا گاؤں کا رہنے والا ہے، دونوں کے درمیان تعلقات ہیں۔
مقامی پولیس افسر نے بتایا کہ انسانیت سوز تشدد کے بعد متاثرہ لڑکی نے پولیس کو اطلاع ضرور دی تاہم کوئی شکایت درج نہیں کرائی۔
پولیس نے ملزم کو حراست میں لینے کے بعد رہا کردیا، تاہم وائرل ویڈیو کے بعد پولیس نے مذکورہ شخص کے خلاف تعزیرات ہند کی دفعہ 323 اور دیگر متعلقہ دفعات کے تحت مقدمہ درج کرلیا ہے اور ملزم مفرور ہوگیا ہے۔