لاہور : تحریک انصاف کے رہنما فواد چوہدری کہنا ہے کہ اس معاشی تباہی کے باوجود عوام نے حیران کن صبر کا مظاہرہ کیا، اگر کسی قیادت کے بغیر احتجاج شروع ہوگئے تو اس انتشار کو کون روکے گا۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹویٹر پر اپنے بیان میں کہا کہ مہنگائی کی شرح31 فیصد اضافے کے ساتھ پاکستان کی تاریخ کی بلند ترین سطح پ پہنچ گئی، اگر ملک میں کسی قیادت کے بغیر احتجاج شروع ہوگئے تو اس انتشار کو کون روکےگا؟
فواد چوہدری کا کہنا تھا کہ ابھی بھی عوام نے حیران کن صبر کا مظاہرہ کیا ہے، اس معاشی تباہی کے بعد ردعمل نہ آنا حیران کن ہے۔
مہنگائ کی شرح 31فیصد اضافے کے ساتھ پاکستان کی تاریخ کی بلند ترین سطح ہر پہنچ گئ ہے،خطرہ اس بات کا ہے کہ اگر ملک میں کسی قیادت کے بغیر احتجاج شروع ہو گئے تو اس انتشار کو کون روکے گا؟ابھی بھی عوام نے حیران کن صبر کا مظاہرہ کیا ہے ورنہ اس معاشی تباہی کے بعد ردعمل نہ آنا حیران کن ہے
— Ch Fawad Hussain (@fawadchaudhry) January 7, 2023
دوسری جانب پی ٹی آئی رہنما اسد عمر نے اپنے ٹوئٹ میں لکھا کہ زرمبادلہ کےذخائرخطرناک حدتک گر چکے ہیں، ملک دیوالیہ ہونے کے دہانے پر کھڑاہے، مخالفین پر دباؤ ڈالنے کے لئے بندےاٹھا رہے ہیں، ملک چلانے والوں کاکوئی حال نہیں۔
ذر مبادلہ کے ذخائر خطرناک حد تک گر چکے ہیں اور ملک دیوالیہ ہونے کے دہانے پر کھڑا ہے، اور یہاں کالی ویگو ڈالے سیاسی مخالفین پر دباؤ ڈالنے کے لئے بندے اٹھا رہے ہیں. کوئی حال نہیں ملک چلانے والوں کا
— Asad Umar (@Asad_Umar) January 7, 2023
