لاہور : مسلح افراد کےہاتھوں اغوا کی گئی خاتون ٹیچر کو پولیس تلاش نہ کرسکی تاہم واقعے کا مقدمہ درج کرلیا گیا۔
تفصیلات کے مطابق پنجاب کے دارلحکومت لاہور میں تھانہ کاہنہ کی حدود سے اسکول ٹیچر کے اغوا کا مقدمہ درج کرلیا گیا۔
ایف آئی آر کے متن میں کہا گیا ہے کہ 5 ملزمان نےنجی اسکول سےبزوراسلحہ خاتون ٹیچرکواغواکیا، ملزمان نے اسکول میں فائرنگ اور توڑپھوڑبھی کی۔
- Advertisement -
ایف آئی آر میں کہا ہے کہ مسلح افراد نے اسکول میں گھس کرپہلےتمام ٹیچرزکویرغمال بنایا اور خاتون ٹیچرز کے نقاب اتار کر چیک کرتے رہے۔
متن کے مطابق اغواکار مغویہ کوشناخت کےبعدبزوراسلحہ ساتھ لے گئے۔
پولیس کا کہنا ہے کہ چھاپےمارےجارہےہیں،خاتون ٹیچر کوجلد بازیاب کرلیاجائےگا، واقعے میں ملوث ملزمان کے قریبی رشتہ دارزیرحراست ہیں۔
