آسٹریلیا کے نامور سابق ٹیسٹ کرکٹر مائیکل سلیٹر کو ایک بار پھر گرفتار کر لیا گیا۔
آسٹریلوی میڈیا کے مطابق مائیکل سلیٹر کو پولیس آفیسر پر حملہ کرنے کے الزام میں جمعہ کی رات کو گرفتار کیا گیا۔
اس کے علاوہ مائیکل سلیٹر کو گھریلو تشدد کے کیس کا سامنا ہے، سابق کرکٹر پر پولیس کے کام میں مداخلت اور پولیس آفیسر پر حملے کا الزام ثابت کیا جائے گا۔
آسٹریلیا کے نامور سابق کرکٹر گرفتار
آسٹریلوی میڈیا کے مطابق مائیکل کے حملے سے پولیس آفیسر کا ہاتھ زخمی ہوا، مائیکل سلیٹر کو مجسٹریٹ کورٹ میں 2 مئی کو پیش کیا جائے گا۔
واضح رہے کہ مائیکل سلیٹر کو اس سے قبل ایک کیس میں 2 سال جیل ہو چکی ہے اور وہ کمیونٹی کے لیے کام کر کے سزا مکمل کر رہے ہیں۔
سابق بلے باز 1993 سے 2001 تک 74 ٹیسٹ کھیل کر آسٹریلوی کرکٹ ٹیم کا حصہ رہے۔ اس کے بعد سے وہ ٹی وی پر نمایاں عہدوں پر فائز ہیں لیکن انہین آسٹریلیا کے چینل سیون نے برطرف کر دیا تھا۔
