کراچی: پاکستان ریلوے کا ریزرویشن سسٹم اچانک بیٹھ گیا۔ عید کی تعطیل کے بعد کھلنے والے نظام نے کام کرنا بند کر دیا۔
اے آر وائی نیوز کی رپورٹ کے مطابق ریلوے کا ایڈوانس بکنگ کا کمپیوٹرائز نظام فنی خرابی کی وجہ سے بند ہوا۔ یاد رہے کہ محکمہ ریلوے نے عید الفطر کی تعطیل کے دوران 33 فیصد کرایوں میں رعایت کا اعلان کر رکھا ہے۔
ریزرویشن نظام بند ہونے سے مسافروں کو 25 اپریل تک 33 فیصد رعایت کا حصول مشکل ہو گیا۔ کمپیوٹرائڑڈ ایڈوانس بکنگ کا نظام کئی گھنٹوں سے بند ہے جس سے مسافروں کو ٹکٹوں کی بکنگ میں مشکلات کا سامنا ہے۔
