بغداد: عراق میں مظاہرین نے سویڈن کے سفارت خانے پر دھاوا بول کر اسے جلا دیا۔
تفصیلات کے مطابق سویڈن میں قرآن پاک کے نسخے کو نذر آتش کرنے کے خلاف عراق کے دارالحکومت بغداد میں جاری احتجاج کے دوران سینکڑوں مظاہرین نے سویڈش سفارتخانے پر دھاوا بول دیا اور اسے آگ لگا دی۔
سفارت خانے کے باہر مظاہرین نے ایک بار پھر علی الصبح جمع ہو کر سوئڈن کے خلاف شدید نعرے بازی کی۔ غیر ملکی میڈیا کے مطابق مذہبی رہنما مقتدیٰ الصدر کے حامی مظاہرین نے سفارت خانے کی عمارت میں داخل ہو کر توڑ پھوڑ کی اور اسے آگ لگا دی۔
Hundreds of protesters stormed the Swedish embassy in central Baghdad, scaling its walls and setting it on fire in protest against the expected burning of a Koran in Sweden https://t.co/vGvx5Z5twO pic.twitter.com/LEbQZq4rMa
— Reuters (@Reuters) July 20, 2023
سویڈن کی وزارت خارجہ نے کہا کہ سفارت خانے کے تمام ملازمین محفوظ ہیں اور مظاہرین کی آمد سے ایک گھنٹہ قبل سفارت خانے کے پورے عملے کو باہر نکال لیا گیا تھا۔
عراق کی وزارت خارجہ نے واقعے کی مذمت کرتے ہوئے فوری تحقیقات کا حکم دے دیا ہے۔
