اسلام آباد: کل جماعتی حریت کانفرنس کی جانب سے ڈپلومیٹک انکلیو کے باہر احتجاجی مظاہرہ کیا گیا، حریت رہنماؤں اور سول سوسائٹی کی جانب سے احتجاجی مظاہرے میں شرکت کی گئی۔
مظاہرین کا کہنا تھا کہ دنیا کی سب سے بڑی جمہوریت ہونے کا بھارتی دعوی مذاق ہے، اس موقع پر بھارت کے خلاف اور آزادی کے حق میں شدید نعرے بازی کی گئی۔
مظاہرین نے کہا کہ کشمیریوں کی آزادی کے غاصب بھارت کو یوم آزادی منانے کا حق نہیں، بھارت دنیا میں جمہوریت کے ماتھے پر بدنما داغ ہے۔
- Advertisement -
کشمیر میں انسانی حقوق کی بدترین پامالیاں جاری ہیں، کشمیری اقوام متحدہ کی قراردادوں کے مطابق مسئلے کا حل چاہتے ہیں، عالمی برادری مقبوضہ کشمیر میں انسانی حقوق کی پامالیوں کا نوٹس لے۔
جنوبی ایشیا میں مستقل قیام امن کیلئے مسئلہ کشمیر کا حل ضروری ہے، اقوام متحدہ، عالمی برادری مسئلہ کشمیر کے حل کیلئے کردار ادا کرے۔
