اسلام آباد : پیپلز پارٹی کے چیئرمین بلاول بھٹو نے ذوالفقار علی بھٹو سےمتعلق صدارتی ریفرنس کی سماعت براہ راست دکھانے کے لئے سپریم کورٹ میں درخواست دائر کردی۔
تفصیلات کے مطابق سابق وزیراعظم ذوالفقار بھٹو سے متعلق صدارتی ریفرنس سے متعلق پیپلزپارٹی نے متفرق درخواست دائرکردی۔
پیپلز پارٹی کے چیئرمین بلاول بھٹو کی جانب سے سپریم کورٹ میں ریفرنس پر سماعت براہ راست دکھانے کے لئے درخواست دائر کی گئی۔
درخواست میں کہا گیا کہ ذوالفقار بھٹو سےمتعلق صدارتی ریفرنس 12 دسمبر کو سماعت کے لیے مقرر ہے،ذوالفقار بھٹو کو ایک قتل کی سازش کے الزام میں سزائے موت سنائی گئی۔
دائر درخواست میں کہنا تھا کہ ذوالفقار بھٹو کو پھانسی دے دی گئی لیکن ان کا نظریہ آج بھی زندہ ہے، استدعا ہے کہ کیس کی سماعت کی کارروائی براہ راست نشر کرنےکی اجازت دی جائے۔
یاد رہے سابق وزیراعظم ذوالفقار علی بھٹو ریفرنس پر سماعت 12 دسمبر کو ہوگی، چیف جسٹس قاضی فائزعیسٰی کی سربراہی میں9رکنی لارجربینچ سماعت کرے گا۔
9رکنی لارجربینچ میں جسٹس سردارطارق مسعود، جسٹس منصورعلی شاہ، جسٹس یحیٰی آفریدی، جسٹس امین الدین اور جسٹس جمال مندوخیل ، جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل ہیں۔
خیال رہے آصف علی زرداری کی جانب سے 2011 میں فیصلے پر صدراتی ریفرنس بھجوایا گیا تھا۔
