کراچی کے علاقے گلشن اقبال میں پولیس نے خاتون پر ہاتھ اٹھانے والے ملزم کے خلاف مقدمہ درج کر کے اسے گرفتار کر لیا۔
شہزاد اختر نامی ملزم نے گلشن میں پیٹرول پمپ پر خاتون کو تھپڑ مارے تھے۔ پولیس نے متاثرہ خاتون کے بیٹے کی مدعیت میں مقدمہ درج کیا تھا جس میں حملے کی دفعہ شامل ہے۔
مدعی مقدمہ کے مطابق میری والدہ اور بھابھی پر شہزاد اختر نے تشدد کیا، والدہ اور بھابھی کا دوپٹہ کھینچا اور تھپڑ مارے، واقعہ پیٹرول پمپ پر پیٹرول دلواتے ہوئے پیش آیا۔
- Advertisement -
ایف آئی آر کے مطابق ملزم نے گاڑی آگے کرنے کا کہا بھابھی نے جواب دیا پیٹرول ڈلوا رہے ہیں، شہزا اختر نے بدتمیزی کی اور منع کرنے پر مزید طیش میں آگیا۔
