روس کی جیل میں فوت ہونے والے اپوزیشن رہنما الکس ناوالن کی بیوہ اور بیٹی سے امریکی صدر جوبائیڈن نے ملاقات کی ہے۔
بین الاقوامی خبر رساں ادارے کی رپورٹ کے مطابق امریکی صدر نے روسی اپوزیشن رہنماء کی بیوہ یولیا ناوالنایا اور بیٹی سے ان کے والد کی پراسرار موت پر افسوس کا اظہار اور تعزیت کی۔
غیر ملکی میڈیا کا کہنا ہے کہ بائیڈن نے ملاقات کے دوران روسی اپوزیشن رہنما الکس ناوالن کی تعریف کی۔
الکس ناوالن کی بیٹی داشا ناولنایا کیلیفورنیا کی اسٹینفورڈ یونیورسٹی میں تعلیم حاصل کررہی ہیں، وائٹ ہاؤس کی جانب سے اس ملاقات کی دو تصاویر جاری کی گئی ہیں۔
یاد رہے کہ روسی اپوزیشن رہنماء الیکسی ناولنی جیل میں 19 سال قید کی سزا کے دن پورے کررہے تھے، گزشتہ دنوں جیل میں پر اسرار طور پر ان کی موت واقع ہوگئی تھی۔
رپورٹ کے مطابق الیکسی ناولنی روس کے سرد ترین علاقوں میں سے ایک شہر خارپ میں ’پولر وولف کالونی‘ میں قید تھے، یہاں کے موسم کی اگر بات کی جائے تو وہ ہمیشہ سرد رہتا ہے۔
غزہ کے جنوبی علاقے میں مکمل فتح حاصل کریں گے، نیتن یاہو
جیل حکام کا اس حوالے سے کہنا ہے کہ ناولنی چہل قدمی کے بعد اچھا محسوس نہیں کر رہے تھے جس کے فوری بعد ہی وہ بے ہوش ہوگئے، طبی عملے نے موقع پر پہنچ کر ان کا معائنہ کیا، مگر الیکسی ناولنی کو بچانے کی ساری کوششیں ناکام ہوگئیں۔
