کراچی : گلشن حدید میں اسکول پرنسپل کی نازیبا ویڈیواسکینڈل کے مفرور ملزم کاشف شاہ کو گرفتارکرلیا گیا، کاشف شاہ نے سی سی ٹی وی مکینک کے ساتھ مل کرویڈیو وائرل کی تھی۔
تفصیلات کے مطابق کراچی کے علاقے گلشن حدید میں اسکول پرنسپل کے نازیبا وڈیو اسکینڈل کے کیس میں اہم پیش رفت سامنے آئی، چار ماہ بعد مفرور ملزم کاشف شاہ کو گرفتار کر لیا گیا۔
پولیس نے بتایا کہ مرکزی ملزم عرفان میمن کے برادر نسبتی ہے، کاشف شاہ نے سی سی ٹی وی مکینک کے ساتھ مل کر ویڈیو وائرل کی۔
حکام کا کہنا ہے کہ مرکزی ملزم عرفان نے دوران تفتیش اعتراف کیا تھا کہ کاشف نے وڈیو وائرل کروائی تھی۔
تفتیشی پولیس نے کہا کہ کاشف شاہ کا نام کیس میں شامل کیا گیا تھا تاہم ملزم گرفتاری سے بچنے کے لیے مفرور ہو گیا تھا ، جسے ملیر سے گرفتار کیا گیا۔
واضح رہے کہ چار ماہ قبل ایک اسکول میں مختلف خواتین سے درجنوں نازیبا وڈیو سامنے آئی تھی، اسکول پرنسپل عرفان خواتین کو نوکری کا جھانسہ دے کر نازیبا حرکات کرتے تھے۔
جس کے بعد تھانہ اسٹیل ٹاوٴن میں ملزم عرفان میمن پر مقدمہ درج کیا گیا تھا اور مرکزی ملزم عرفان میمن کو پولیس نے گرفتار کیا تھا۔
