بھارت کی ریاست اتر پردیش کے ایک اسکول میں جب طلبہ پڑھائی کر رہے تھے تب ان کی خاتون خاتون پرنسپل اپنے کمرے میں فیشل کروانے میں مصروف تھیں۔
سوشل میڈیا پر اس وقت ایک ویڈیو کلپ کافی وائرل ہے جس میں خاتون کو اسکول کے اندر فیشل کرواتے ہوئے دیکھا جاتا ہے۔ خاتون کی شناخت سنگیتا سنگھ کے نام سے ہوئی جو ضلع اناؤ کے گاؤں ڈنڈاماؤ کی پرائمری اسکول کی پرنسپل ہیں۔
معاملے کا علم ہونے پر خاتون ٹیچر انعم خان نے پرنسپل کی ویڈیو ریکارڈ کی جس پر وہ نہ صرف طیش میں آئیں بلکہ ٹیچر کے ہاتھ کو دانتوں سے کاٹ کر زخمی کر دیا۔
Kalesh b/w head master & another teacher over Head master school cook se facial kara rahi thi ,ek teacher ne video bana li toh uske hath par Kat liyaBighapur, Unnao UP
pic.twitter.com/9dli9gzXau— Ghar Ke Kalesh (@gharkekalesh) April 19, 2024
سنگیتا سنگھ نے ویڈیو ریکارڈنگ کے دوران انعم خان سے تلخ کلامی کی اور موبائل فون بھی چھیننے کی کوشش کی۔
انعم خان نے فیشل کروانے اور اپنے زخمی ہاتھ کی ویڈیو سوشل میڈیا پر پوسٹ کی جس کے بعد صارفین پرنسپل کی حرکت پر خوب تنقید کر رہے ہیں۔
ادھر، محکمہ تعلیم نے معاملے کا نوٹس لیتے ہوئے ملزمہ کے خلاف تحقیقات کا آغاز کیا اور خاتون ٹیچر کو طبی معاہنے کیلیے اسپتال منتقل کیا گیا۔
دوسری جانب، انعم خان کی شکایت پر پولیس نے سنگیتا سنگھ کے خلاف مقدمہ درج کر لیا تاہم ابھی تک گرفتار عمل میں نہیں لائی گئی۔
