شوبز انڈسٹری کی ابھرتی ہوئی اداکارہ سحر افضل نے ڈرامہ سیریل ’خود سر‘ میں اپنے کردار سے متعلق بتا دیا۔
فوٹو اور ویڈیو شیئرنگ ایپ انسٹاگرام پر ویڈیو پیغام میں اداکارہ سحر افضل نے بتایا کہ ’خود سر‘ میں، میں ’نازیہ‘ کا کردار نبھا رہی ہوں، یہ دو بہنوں کی کہانی ہے جن کی شخصیت کافی مختلف ہے۔
سحر افضل نے بتایا کہ میں ڈرامے میں بڑی بہن کا کردار ادا کررہی ہوں۔
واضح رہے کہ سحر افضل ڈرامہ سیریل ’خود سر‘ میں اداکارہ زباب رانا (شازما) کی بڑی بہن بنی ہیں۔
ڈرامہ سیریل ’خود سر‘ میں ہمایوں اشرف(ذیشان)، زباب رانا (شازما)، سحر افضل (نازیہ)، راحت غنی، رضوان علی جعفری، عمران اسلم، ارسلان خان، سلمان فیصل ودیگر اداکاری کے جوہر دکھا رہے ہیں۔
’خود سر‘ کی ہدایت کاری کے فرائض سید فیصل بخاری اور سید علی بخاری نے انجام دیے ہیں جبکہ اس کی کہانی اسما سیانی نے لکھی ہے۔
ڈرامہ سیریل ’خود سر‘ پیر سے جمعے کی رات 9 بجے اے آر وائی ڈیجیٹل پر نشر کیا جاتا ہے۔
یاد رہے کہ ہمایوں اشرف اس سے قبل ڈرامہ سیریل ’احسان فراموش‘ میں اداکاری کے جوہر دکھا چکے ہیں جبکہ زباب رانا نے ’وہ پاگل سی‘ میں منفی کردار نبھایا تھا۔
