پنجاب: پنجاب کے نگراں وزیر اطلاعات عامر میر نے کہا ہے کہ گرفتاری کو سیاسی انتقام قرار دینا سنگین مذاق ہے۔
پنجاب کے نگراں وزیر اطلاعات عامر میر نے ایک بیان میں کہا کہ پرویز الٰہی گرفتاری کا مدعا محسن نقوی پر ڈالنے سے گریز کریں، پرویز الہٰی اینٹی کرپشن کے ہاتھوں کرپشن کے الزام میں گرفتار ہوئے ہیں۔
نگراں وزیر اطلاعات نے کہا کہ پرویز الٰہی کے قائد خود انہیں پنجاب کا سب سے بڑا ڈاکو قرار دے چکے ہیں، موصوف جھوٹے الزام لگا کر سیاسی شہید نہیں بن سکتے۔
پرویز الہٰی کو اینٹی کرپشن کے مقدمے میں گرفتار کیا گیا
عامر میر کا کہنا تھا کہ پنجاب کی نگران حکومت غیر سیاسی اور غیر جانبدار ہے، پرویز الہٰی کو کرپشن پر محسن نقوی نے مجبور نہیں کیا تھا۔
نگراں وزیراطلاعات عامر میر نے مزید کہا کہ گرفتاری کو سیاسی انتقام قرار دینا سنگین مذاق ہے، قانون پرویز الہٰی سمیت ہر بدعنوان کے خلاف حرکت میں آئے گا۔