دبئی: مسلم لیگ ن اور پیپلز پارٹی کی قیادت گزشتہ روز ملاقات کے بعد بیشتر معاملات پر ایک پیج نہیں آسکیں ہیں۔
ذرائع کے مطابق دبئی میں پیپلز پارٹی اور ن لیگ کی قیادت میں آج پھر سیاسی بیٹھک کا امکان ہے، دونوں پارٹی نے مزید معاملات بات چیت کے ذریعے حل کرنے پر اتفاق کیا ہے۔
ذرائع پیپلز پارٹی کا بتانا ہے کہ ن لیگ سے سیٹ ایڈجسٹمنٹ پر کوئی بات نہیں ہوئی، سابق صدر آصف زرداری نے ن لیگ سے میثاق معیشت پر بات کی۔
ذرائع نے بتایا کہ گزشتہ ملاقات میں نگراں سیٹ اپ اور آئندہ کے لائحہ عمل غور کیا گیا، پیپلز پارٹی قیادت نے ن لیگ قیادت کو واضح کیا کہ اکتوبر یا نومبر میں الیکشن چاہتے ہیں۔
ذرائع پیپلز پارٹی نے بتایا کہ آصف زرداری اور چیئرمین پیپلز پارٹی بلاول بھٹو تاحال دبئی میں موجود ہیں۔
ذرائع نے یہ بھی بتایا کہ استحکام پاکستان پارٹی کے عون چوہدری بھی جہانگیرترین کا پیغام لیکر دبئی پہنچ گئے ہیں، عون چوہدری پی پی اور ن لیگ قیادت سے الگ الگ ملاقاتوں میں پیغام پہنچائیں گے۔
