واشنگٹن: امریکی صدر جوبائیڈن کا کہنا ہے کہ روسی صدر ولادیمیر پیوٹن روس کے اپوزیشن لیڈر الیکسی ناوالنی کی موت کے اصل ذمہ دار ہیں۔
غیر ملکی ذرائع ابلاغ کے مطابق امریکی صدر نے کہا کہ الیکسی ناوالنی کی موت کے ذمہ دار روسی صدر ہیں، روسی صدر پیوٹن کی کرپشن، تشدد اور غلط کاموں کے خلاف آواز اٹھانے والے بہادر اپوزیشن لیڈر الیکسی ناوالنی کی موت پر حیرت نہیں ہوئی بلکہ غصہ ہے۔
واضح رہے کہ جیل میں مرنے والے روس کے اپوزیشن لیڈر الیکسی ناوالنی، روسی صدر کے سخت ناقد تھے اور روسی صدر پر تنقید کے باعث جیل میں سزا کاٹ رہے تھے جہاں وہ گزشتہ روز پراسرار حالات میں مردہ پائے گئے۔
- Advertisement -
اسرائیل کے حملوں میں حزب اللہ اور امل موومنٹ کے 6 اراکین جاں بحق
روسی حکام کا کہنا ہے کہ اپوزیشن لیڈر الیکسی ناوالنی اپنی بیرک سے سیر کے لیے نکلے تھے اور بے ہوش ہوگئے۔ ڈاکٹرز نے ان کی جان بچانے کی کوشش کی تاہم وہ ناکام رہے۔
