الیکشن کمیشن نے آئندہ عام انتخابات کیلئے سیاسی جماعتوں سے انتخابی نشان الاٹ کرنے کیلئے درخواستیں طلب کرلیں۔
تفصیلات کے مطابق الیکشن کمیشن کی عام انتخابات کی تیاریاں جاری ہیں۔ الیکشن کمیشن نے ہدایت کی ہے کہ سیاسی جماعتیں آئندہ عام انتخابات میں شرکت کرنے کیلئے الیکشن کمیشن میں درخواستیں جمع کرائیں۔
الیکشن کمیشن کا کہنا ہے کہ سیاسی جماعتیں پارٹی سربراہ کے دستخط کے ساتھ 19 جولائی تک درخواستیں جمع کرائیں۔ درخواستیں وصول ہونے کے بعد الیکشن کمیشن سیاسی جماعتوں کی اہلیت کا فیصلہ کرے گا۔
- Advertisement -
الیکشن کمیشن کا کہنا ہے کہ صرف درخواست جمع کرانے والی سیاسی جماعتیں آئندہ عام انتخابات میں حصہ لے سکیں گی۔
