بنگلا دیش میں ہیٹ ویو الرٹ میں تین دن کی توسیع کے باوجود اسکول دوبارہ کھل گئے۔
بنگلا دیش بھر میں لاکھوں طلباء ہیٹ ویو کے باوجود اپنے اسکولوں میں واپس آگئے ہیں جس کی وجہ سے گزشتہ ہفتے کے آخر میں ملک بھر میں کلاس روم بند تھے۔
اتوار کے روز اسکولوں کو دوبارہ کھولنے کا عمل اس وقت ہوا جب حکام نے مزید تین دن کے لیے ہیٹ ویو کا ایک اور الرٹ جاری کیا۔ بنگلادیش کو75 سالوں میں سب سے طویل ہیٹ ویو کا سامنا ہے۔
ماہر موسمیات شاہین الاسلام نے کہا کہ اتوار کو ہیٹ ویو 29ویں دن تک پہنچ گئی جو حکومت کی جانب سے 1948 سے ریکارڈ شدہ طویل ترین ہے۔
جمعہ کو جنوب مغربی ضلع چواڈانگا میں موسم کا سب سے زیادہ درجہ حرارت 42.7 ڈگری سینٹی گریڈ ریکارڈ کیا گیا۔
محکمہ موسمیات کے اعداد و شمار کے مطابق اس دن دارالحکومت ڈھاکا کا زیادہ سے زیادہ درجہ حرارت 38.2 ڈگری تھا۔ ڈھاکہ میں گزشتہ ہفتے کے دوران اوسط زیادہ سے زیادہ درجہ حرارت اسی مدت کے 30 سالہ اوسط سے 4-5 ڈگری سیلسیس (7.2-9 ڈگری فارن ہائیٹ) زیادہ ہے۔
