پی ٹی آئی رہنما اور مشیر اطلاعات کے پی بیرسٹر سیف نے کہا ہے کہ شریف خاندان اہم قومی عہدے اپنے گھر میں ہی بانٹ رہا ہے۔
اے آر وائی نیوز کے مطابق پاکستان تحریک انصاف کے رہنما اور صوبہ خیبر پختونخوا کے مشیر اطلاعات بیرسٹر سیف نے میڈیا سے گفتگو کرتے ہوئے کہا کہ شریف خاندان میں عہدوں کی بندر بانٹ جاری ہے اور وہ اہم قومی عہدے اپنے گھر میں ہی بانٹ رہے ہیں۔
بیرسٹر سیف نے کہا کہ اسحاق ڈار کو وزیر خارجہ کے عہدے میں سکون نہیں تھا اس لیے ڈپٹی وزیراعظم بنا دیا جب کہ آئین میں ڈپٹی وزیراعظم کے عہدے کی کوئی گنجائش نہیں ہے۔
انہوں نے کہا کہ جعلی فارم 47 سے حکومت بنانے کے بعد شریف خاندان نے قومی عہدوں کو مذاق بنا دیا۔ مینڈیٹ چور خاندان جعلی حکومت میں خواہشات پوری کر رہا ہے اور انہوں نے پاکستان کو بنانا ری پبلک بنانے میں کوئی کسر نہیں چھوڑی۔
واضح رہے کہ وزیر خزانہ اسحاق ڈار جو نواز شریف کے سمدھی بھی ہیں انہیں گزشتہ روز نائب وزیراعظم مقرر کیا گیا ہے اور اس کا نوٹیفکیشن بھی جاری کر دیا گیا ہے۔
