بیونس آئرس: ارجنٹائن میں سڑک پر چلتی بس میں آگ لگنے کا خوف ناک واقعہ پیش آیا ہے، سوشل میڈیا پر سامنے آنے والی ویڈیوز دیکھ کر حادثے کی ہولناکی کا اندازہ ہوتا ہے۔
تفصیلات کے مطابق ارجنٹائن کے دارالحکومت بیونس آئرس میں جنرل پاز نامی ہائی وے پر ایک چلتی بس میں اچانک آگ بھڑک اٹھی، جس کی ویڈیو پولیس کیمروں نے ریکارڈ کی، جس میں دیکھا جا سکتا ہے کہ آگ نے بہت تیزی کے ساتھ پوری بس کو لپیٹ میں لے لیا۔
Passengers scramble out of a bus after it catches fire in Buenos Aires, Argentina pic.twitter.com/PtPZk7iZiy
— Reuters (@Reuters) August 17, 2023
مقامی میڈیا نے رپورٹ کیا کہ آگ لگنے کی وجہ الیکٹریکل مکینیکل مسئلہ تھا، واقعے میں کسی کے زخمی ہونے کی اطلاع نہیں ہے، کیوں کہ مسافر بروقت بس سے نکلنے میں کامیاب ہو گئے تھے۔
Passengers run for their lives after bus catches fire in Argentina pic.twitter.com/zOwoPS8IBT
— Newzeepk (@newzeepk) August 17, 2023
بس مصروف شاہراہ سے گزر رہی تھی کہ اچانک فیول ٹینک پھٹنے سے چند لمحوں میں شعلوں نے نہ صرف پوری بس بلکہ سڑک کو بھی اپنی لپیٹ میں لے لیا، ایندھن کے اخراج کی وجہ سے سڑک پر آگ لگی، جس سے دوسری گاڑیوں کی آمد و رفت میں رکاوٹ پیدا ہوئی۔
رپورٹس کے مطابق فائر بریگیڈ کی ٹیم نے موقع پر پہنچ کر آگ کو کنٹرول کیا۔
