اسلام آباد : سینیٹ کی خالی نشستوں پر ضمنی الیکشن14مارچ کو ہوں گے، جس کے لیے کاغذات نامزدگی حاصل کرنے کا سلسلہ جاری ہے۔
تفصیلات کے مطابق اسلام آباد سے سینیٹ کی جنرل نشست خالی ہونے کے معاملے پر سینیٹ ضمنی انتخابات کے کاغذات نامزدگی حاصل کرنے کا سلسلہ آج سےشروع ہوگا۔
آراو نے اسلام آباد کی سینیٹ کی جنرل نشست کا پبلک نوٹس جاری کردیا، جس میں کہا ہے کہ سینیٹ کے ضمنی انتخاب 14 مارچ کوقومی اسمبلی میں ہوں گے ، کاغذات نامزدگی 3،2 مارچ کو صبح 8:30 سے شام 4:30تک حاصل کیے جا سکتے ہیں۔
نوٹس میں کہا گیا ہے کہ 3مارچ کو امیدواروں کی فہرست اور 5 مارچ کواسکرونٹی ہوگی، امیدواروں کے خلاف اعتراضات 7 مارچ کو سنے جائیں گے اور ٹریبونل9مارچ کواعتراضات نمٹائے گا۔
نوٹس کے مطابق عبوری فہرست9مارچ کوآویزاں کی جائےگی اور 10مارچ کوامیدوارکاغذات نامزدگی واپس لے سکتے ہیں۔
الیکشن کمیشن نے اسپیشل سیکرٹری ظفر اقبال کوریٹرننگ افسرمقررکردیا ہے۔
